|
| 今日終於考晒試, 算係輕鬆左d 兩科好有信心,兩科好冇信心 係考試期間,都有諗過放棄,因為覺得幾辛苦 唔想再溫落去,覺得呢種壓力唔想再有 但係,當我每次咁諗,神都會提返我 我當初讀到呢科,入到ive,都係神既安排 我入到呢科,都係自己同神祈禱祈返黎 就咁放棄? 連呢d壓力都承受唔到,我仲點可以行將來既路 要繼續行落去,除左堅持,都係要靠神 係考試呢段時間,冇左佢,我真係會支持唔住 多謝袮 | | |
| "相嗌唔好口, 夠薑就隻抽" 突然諗到呢一句既粗俗又看似十分帥氣的說話 糾纏下去,可能都係得個吉 何不爽快的來個了斷? 有時我會搞好多好多好多野,用左好多好多時間先去溫書 但長此落去,真係唔係一個辦法 況且,呢個情況都持續左十幾年... 所以,今天開始我要改變! 我要同d書死過! 我地"隻抽"啦 !! 不過,隻抽呢個詞語有失斯文... 所以, 書呀書,咱們"單挑"吧 !!! 哈哈~ | | |
| 由星期二病到依家, 好耐都冇試過病到咁啦
醫生都睇左三次, 本身只係頭痛同發冷,之後就喉嚨痛加咳埋,仲要係吞下口水,講下野都會痛... 喉嚨痛得要死,我感受到啦... 經過左兩日之後,係琴日中秋夜終於頂唔順, 去左急症睇第3次醫生,依家情況好左好多啦~ 係呢幾日真係俾喉嚨痛搞到我勁辛苦...... 感謝主讓我有事可以有醫生睇~ 哈~ =) | | |
| 8月31,都係一個大日子黎既 今日就係上葵涌官立中學汁粒既大日子,過埋今日,上葵就唔存在啦 不過上葵會永遠係我地每一個上葵人既心中的~!! (呢句說話真係好公式化,不過唔講又差咁d) 咁就汁粒,都有d唔捨得,話晒都係入面5年呀嗎 老朋友,你似d會變做點呀? 會變社區中心? 定係做豪宅呀? 話晒你都係聳立係半山位置架喎 不過點都好,我都要同 "你"講句永別啦 前兩個星期返上葵幫社工搬野走,見到好多野都搬走晒,空蕩蕩咁 望住間學校,心裡有點酸,亦有點難過 上葵,你俾左我好多回憶,好唔捨得你,肉麻d講句 「我愛你」 | | |
| 等左咁耐終於等到今日啦~~!! 今日就係順德交流團既report back啦~又可以見返一班順德既朋友仔真係好~^^ report back之後去左唱k~哈哈~真係好開心~ 識到佢地真係開心~@@ 希望我地既關係能夠keep住啦~哈哈~ 呢個網係順德交流團既一d相~大家得閒可以上去睇下架~ =) http://www.facebook.com/home.php#/album.php?aid=2029044&id=1447151418 今日亦都係媽媽入院既第二日,還望大家為我的媽媽代禱 =) | | |
|
